|
  
|
近排睇卡謬的「局外人」睇到有ｄ迷惘。第一身主角話，既然人最後都要一死，點解要介意形式呀？我俾人處死同阿媽老死都係一樣啦，但有一個人就唔會咁諗囉，佢就係丫bian啦。
睇到南韓的前總統盧武鉉因為涉及貪污而自殺，我立即諗：如果阿扁咁死左，ｄ人一定會認為佢係俾人推落崖既，因為以佢咁賴皮無恥的性格，點會自殺呀？盧武鉉同阿扁其實真係幾似，又係出身貧窮，後來又做左律師，專打貪污鬼，最後做埋總統，但又涉及貪污，兼且個老婆又貪埋一份。而家ｄ人個個都同情盧武鉉，話佢一死明志。亞洲人社會就係咁的了，一死左人就善誦善禱，佢生前做過ｄ事唔通就一筆勾銷呀？咁咪好著數？唔知係咪受中國人「報」的文化影響呢，亞洲由龍頭的日本到龍尾的北韓都係咁貪貪貪。香港好彩仲有英國的legacy法治守住，如果呢樣都冇埋，香港就同大陸ｄ二三線城市差不多。
陶傑又寫左一篇好似「輪椅夫人」咁有創意的文章啦：
(閱讀全文)
Kitty wrote: 你整親隻腳之後，會唔會好同情個d傷殘人仕？你覺得香港係咪對傷殘人仕照顧唔足夠？
香港對傷殘人士的照顧梗係唔足夠啦！你有幾可見到ｄ傷殘人士周圍走呀？四肢唔健全或者有其他身體殘障（如視障）的人都好少出街，點解呢？你出街做乜先？一係返工，一係行街。在香港，傷殘的人真係好少人請，講真香港連老ｄ的人都唔請啦，何況係傷殘？咁行街咩，周街都係人，又多樓梯，你叫人點去呀？由於起設施的人大部分都係健全人士，佢地係唔會知道一ｄ睇來好容易做的動作，對傷殘人士來講，都係一種考驗。就好似推門入房咁，如果你兩隻手都要握拐杖，邊有手推呀？在戴麟趾我識左一個肌肉萎縮的大嬸，佢十幾歲就開始肌肉萎縮，原因不明，所以一直要坐輪椅，雖然而家已換左電動輪椅，但有冇一部輪椅能夠上落樓梯架？佢就算推門都有困難，要阿姐或者其他病人幫佢手（呢個的確係戴麟趾設計上最失敗的地方）。
由於呢個世界乜都講faster higher stronger，傷殘人士做野做得慢ｄ或者行得慢ｄ就會俾人話冇用，而且競爭大亦令人變得冷漠無情，就好似我尋日睇的《變形記》咁，個主角以前係經濟支柱，變左隻蟲之後冇得返工，佢阿爸就當佢係怪物，阿媽又驚左佢，個妹初時都有送食物俾佢，但後來因為阻住佢拍拖，就想殺死佢阿哥，最後主角只有自殺。卡夫卡呢篇野寫左七十幾年，到今日一ｄ都冇過時（呢套劇睇來要另開一entry寫）。我記得龍應台在《人在歐洲》寫到，一個國家有幾進步，唔係睇佢有幾多摩天大樓或者有幾多GDP，而係對唔同人士（如傷殘人士，孕婦，照顧ｂｂ的媽媽）的照顧足唔足夠，能唔能夠接受同包容一ｄ弱勢人士。照我睇來，香港仍需努力。
我個治療師話，我隻腳都好番七七八八，可以唔駛再做物理治療了。諗諗下我呢隻腳已經搞左三個月，冇得過聖誕，冇得過新年，冇得去馬拉松（等我送入醫院個日仲問救護員：我仲可以跑架可？佢話你咁細粒跑乜鬼呀），但好彩既係識左一班好好人的醫護人員，同一班同我同病相憐的病人，以及學左幾個terms。
trauma call：其實都唔太明呢個字點解，大概係有人入來要call醫生做野掛。
OT：唔係超時工作開OT，而係做手術operation。講得OT最多的竟然係阿姐，可能因為照顧我地最多的是阿姐掛。之前我以為阿姐淨係做清潔，同埋做ｄ姑娘唔想做的事，原來在阿姐下面仲有清潔阿嬸。ｄ阿姐連量血壓個ｄ佢地都識，仲要做紀錄添，真係要識ｄ英文架，雖然佢地同個英國人基本上係雞同鴨講。講起個英國人，我真係好同情佢，因為我地一日三餐都係食中菜。朝早食粥，另外兩餐都係食頹飯。ｄ頹飯連我地香港人都話難食，何況佢係鬼？基本上成個ward除左我同ｄ郁唔到的patients之外都唔會食，我對面個四川女人一見到ｄ頹飯就皺眉頭了，因為ｄ頹飯冇味，對佢呢隻食慣辣椒的人來講簡直折磨，有次佢屋企人冇來送飯，佢食左一兩啖頹飯就冇食了。個天津大嬸個仔更係美心的京菜大廚，個咀咁尖，更加唔會食。最近瑪麗ｄ血癌病人因為食左７－１１ｄ野死左，佢地雖然知道外面ｄ野食好多菌，但醫院ｄ野真係太難食嘛。醫院ｄ野又數ｄ魚最難食，因為好鬼腥，炸左淋埋葡汁都腥，你話幾嚴重，如果係鯪魚球仲慘，腍到唔似肉，都唔知係咪粉造既。講番個英國人，如果佢個ｂｆ唔送ｄ三文治俾佢，佢基本上係絕食既，咁咪當減肥囉。
骨褲：睇外國ｄ醫院劇，好似ER呀House咁，都會見到ｄ病人係著白袍既，上面有ｄ一粒粒唔知乜野的圖案。至於香港呢，就係著今年最興的深綠色格仔衫褲，凍的話就著件淺藍色大褸，但由於個ward係恆溫既，所以只有ｄ阿婆先會著褸。咁去做物理治療都要著既，因為走廊冇暖氣。由於香港ｄ病人唔係著袍，咁ｄ好似我咁的斷腳人點呢？就著骨褲囉。骨褲係短褲，一邊好似正常褲咁穿，一邊就唔駛穿，只係用魔術貼貼住，冇橡筋，基本上只能蔽體，唔可以稱得上係一條褲，但呢條骨褲好矜貴，如果你唔係斷腳，阿姐係絕對唔俾你著，因為數量好有限，要同有關方面申請先有架。但有次我打的個陣，個司機話佢曾經兩隻腳都斷晒，咁佢咪連骨褲都著唔到？骨褲雖然好著，做物理治療就唔好啦。話說我做手術之前，有個後生靚仔但把聲有ｄ似港台ｄ老鬼ｄｊ咁的物理治療師話教我做提起大腿的運動，防止我的肌肉萎縮，但我舊石膏好鬼焗，所以兩隻腳都伸出被外，佢一見到我就問：你有冇著褲架？我做完手術之後第一次做物理治療個陣仲著住條骨褲，我又唔知佢要我學用拐杖，所以要個物理治療師抽住我條褲，另一個阿叔傍住我先掂，好彩個治療師係女人。講起個阿叔，佢好鬼大隻，仲大隻過戴麟趾個阿哥，我學行個陣，佢基本上係當我細路咁抽住我褲頭既，我跌倒個陣，佢就好似抽起個ｂｂ咁抽起我，真係搞笑。物理治療呢行如果唔大隻或者唔大力，係冇辦法做的，我幾個男女物理治療師都係高大既，好似我咁就冇法做了。
呢排真係行衰運呀，舊年年尾竟然跌斷腳，嗚…cat 小姐問我呢幾個月點過，咁我就係度交代下啦。
事原呢，就係我舊年十一月返工個陣落車趕得滯差錯腳跌倒。個時行唔郁，唯有自己打電話叫白車啦。我本來對白車好有興趣架，成日想上去參觀下，估唔到今次要俾人抬入去，真係慘情啦。架車原來好鬼窄，肥ｄ或者多個人都死，而且ｄ冷氣仲凍到飛起添。個救護員哥哥同我登記資料個陣知我係公務員，就猛同我傾偈，又話我脫臼冇乜事，輕輕鬆鬆咁就送左我入瑪麗，我送左入房佢都過來安慰我，雖然我唔想再見到佢，但我都好多謝佢囉。
(閱讀全文)我好鍾意作故仔，寫到越descriptive越好玩。呢種風格其實都係從陶傑ｄ文章度學番來的，就好似呢篇咁：
輪 椅 夫 人
陳 水 扁 黑 錢 案 ， 女 主 角 扁 嫂 ， 比 老 公 風 頭 更 甚 。
一 個 女 人 坐 輪 椅 ， 本 來 值 得 同 情 ， 但 扁 嫂 的 本 事 ， 是 把 一 張 輪 椅 坐 得 很 陰 森 ─ ─ 有 一 次 ， 阿 扁 當 了 總 統 ， 晚 上 十 點 鐘 才 回 家 ， 打 開 門 ， 看 見 扁 嫂 坐 在 輪 椅 上 ， 手 持 一 張 菜 刀 ， 她 懷 疑 老 公 在 外 有 了 人 ， 大 喝 一 聲 ， 揮 刀 要 拼 命 。
非 常 希 治 閣 的 電 影 場 面 ： 電 影 《 觸 目 驚 心 》 ， 男 主 角 的 母 親 坐 在 輪 椅 上 ， 關 在 閣 樓 ， 輪 椅 緩 緩 轉 過 來 ， 原 來 是 一 具 屍 。
兇 殺 懸 疑 的 戲 劇 ， 如 果 戲 中 的 女 人 坐 一 張 輪 椅 ， 手 拿 一 張 刀 ， 靜 靜 坐 ， 有 一 隻 小 熊 玩 具 放 在 地 上 ， 牆 壁 上 的 時 鐘 滴 答 地 響 ， 敲 響 了 十 二 點 ， 那 張 輪 椅 ， 可 以 更 刺 激 觀 眾 的 腎 上 腺 。
配 上 扁 嫂 這 一 張 天 生 刻 薄 的 臉 孔 ： 面 無 薄 肉 ， 瘦 可 削 骨 ， 一 雙 充 滿 怨 恨 的 眼 睛 好 像 要 討 回 前 三 輩 子 的 債 ， 不 笑 時 已 經 殺 氣 嚴 肅 ， 掀 動 嘴 角 泛 起 一 絲 微 笑 時 ， 就 像 動 手 要 剝 皮 的 信 號 ， 好 似 從 前 聚 義 廳 明 火 執 杖 之 間 坐 在 虎 皮 椅 上 的 一 個 山 寨 夫 人 。
她 的 輪 椅 ， 午 夜 時 份 ， 在 總 統 府 的 客 廳 推 ， 吱 吱 吱 地 走 出 去 ， 吱 吱 吱 地 轉 回 來 ， 金 屬 冷 峻 的 交 磨 之 音 ， 聽 上 去 會 令 人 覺 得 在 磨 刀 。 有 一 場 戲 ： 阿 扁 熬 了 二 十 年 ， 這 一 夜 ， 終 於 憋 不 住 了 ， 背 對 她 ， 收 起 一 張 笑 臉 ： 「 今 天 是 我 們 相 識 三 十 年 的 日 子 ， 我 推 你 出 去 ， 吹 吹 晚 風 ， 好 不 好 ？ 」
輪 椅 上 的 這 個 女 人 ， 半 信 半 疑 ， 收 起 刀 子 。 鏡 頭 一 轉 ， 阿 扁 把 老 婆 推 上 懸 崖 ， 月 光 之 下 ， 崖 下 的 浪 花 一 片 白 森 森 ， 阿 扁 一 面 陰 陰 笑 ， 一 面 唱 情 歌 ， 輪 椅 一 點 點 往 上 推 ， 推 到 多 風 的 最 高 點 。
這 時 ， 扁 嫂 忽 然 警 覺 了 ， 霍 地 回 過 頭 來 ， 在 懸 崖 邊 ， 阿 扁 拼 命 把 輪 椅 推 出 去 ， 女 人 伸 手 抓 他 的 臉 孔 ， 嘶 叫 ， 扭 打 成 一 團 ， 到 底 還 是 阿 扁 力 氣 大 一 點 ， 最 後 飛 起 一 腳 ， 扁 嫂 帶 輪 椅 ， 在 月 光 和 浪 花 聲 中 飛 墮 下 去 ， 發 出 一 陣 裂 人 肺 腑 的 慘 叫 聲 … …
好 在 台 灣 還 有 民 主 ， 及 時 把 這 個 女 人 連 同 輪 椅 掃 了 下 去 。 在 一 個 獨 裁 社 會 ， 設 想 如 果 慈 禧 太 后 也 半 身 不 遂 ， 坐 一 張 輪 椅 進 出 坤 寧 宮 和 養 心 殿 ， 後 面 由 李 蓮 英 來 推 ， 清 末 的 十 年 ， 不 知 還 會 多 死 幾 人 。
選 總 統 ， 要 連 同 夫 人 一 起 選 的 ， 有 其 妻 必 有 其 夫 ， 十 年 前 ， 她 還 是 小 白 兔 般 的 角 色 ， 老 公 把 她 扶 上 台 ， 她 兩 臂 環 攙 阿 扁 的 肩 背 ， 笑 得 像 一 個 天 使 ， 為 何 轉 眼 一 張 臉 如 此 詭 魅 呢 ？ 那 張 輪 椅 ， 是 權 力 的 魔 椅 ， 坐 上 去 就 變 成 另 一 個 人 。
一 個 扁 嫂 ， 一 個 呂 秀 蓮 ， 一 把 手 鎗 ， 指 你 的 頭 ， 叫 你 挑 一 個 來 陪 過 夜 ， 你 會 選 哪 個 ？ 生 死 關 頭 ， 我 會 閉 上 眼 睛 說 ： 最 好 能 加 一 百 萬 ， 我 會 揀 呂 秀 蓮 。
